(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 253

॥ శ్రీః ॥
1.253. అధ్యాయః 253
Mahabharata - Adi Parva - Chapter Topics
ఇంద్రాభివృష్టస్య జలస్యార్జునేన నివారణం॥ 1 ॥
పుత్రం నిగీర్యాకాశముత్పతంత్యాః తక్షకభార్యాయాః అర్జునేన శిరశ్ఛేదః॥ 2 ॥
ఇంద్రేణ స్వకృతవాయువర్షమోహితాదర్జునాత్తక్షకపుత్రస్యాశ్వసేనస్య మోచనం॥ 3 ॥
పావకాన్ముముక్షూణాం నాగాదీనాం మారణం॥ 4 ॥
ఇంద్రస్య కృష్ణార్జునాభ్యాం యుద్ధం॥ 5 ॥
Mahabharata - Adi Parva - Chapter Text

వైశంపాయన ఉవాచ। 1-253-0x(1330)(10990)
తస్యాథ వర్షతో వారి పాండవః ప్రత్యవారయత్।
శరవర్షేణ బీభత్సురుత్తమాస్త్రాణి దర్శయన్॥ 1-253-1(10991)
ఖాండవం చ వనం సర్వం పాండవో బహుభిః శరైః।
ప్రాచ్ఛాదయదమేయాత్మా నీహారేణేవ చంద్రమాః॥ 1-253-2(10992)
న చ స్మ కించిచ్ఛక్నోతి భూతం నిశ్చరితుం తతః।
సంఛాద్యమానే ఖే బాణైరస్యతా సవ్యసాచినా॥ 1-253-3(10993)
తక్షకస్తు న తత్రాసీన్నాగరాజో మహాబలః।
దహ్యమానే వనే తస్మిన్కురుక్షేత్రం గతో హి సః॥ 1-253-4(10994)
అశ్వసేనోఽభవత్తత్ర తక్షకస్య సుతో బలీ।
స యత్నమకరోత్తీవ్రం మోక్షార్థం జాతవేదసః॥ 1-253-5(10995)
న శశాక స నిర్గంతుం నిరుద్ధోఽర్జునపత్రిభిః।
మోక్షయామాస తం మాతా నిగీర్య భుజగాత్మజా॥ 1-253-6(10996)
తస్య పూర్వం శిరో గ్రస్తం పుచ్ఛమస్య నిగీర్యతే।
నిగీర్య సోర్ధ్వమక్రామత్సుతం నాగీ ముముక్షయా॥ 1-253-7(10997)
తస్యాః శరేణ తీక్ష్ణేన పృథుధారేణ పాండవః।
శిరశ్చిచ్ఛేద గచ్ఛంత్యాస్తామపశ్యచ్ఛచీపతిః॥ 1-253-8(10998)
తం ముమోచయిషుర్వజ్రీ వాతవర్షేణ పాండవం।
మోహయామాస తత్కాలమశ్వసేనస్త్వముచ్యత॥ 1-253-9(10999)
తాం చ మాయాం తదా దృష్టా ఘోరాం నాగేన వంచితః।
ద్విధా త్రిధా చ ఖగతాన్ప్రాణినః పాండవోచ్ఛినత్॥ 1-253-10(11000)
శశాప తం చ సంక్రుద్ధో బీభత్సుర్జిహ్మగామినం।
పావకో వాసుదేవశ్చాప్యప్రతిష్ఠో భవిష్యసి॥ 1-253-11(11001)
తతో జిష్ణుః సహస్రాక్షం ఖం వితత్యాశుగైః శరైః।
యోధయామాస సంక్రుద్ధో వంచనాం తామనుస్మరన్॥ 1-253-12(11002)
దేవరాజోఽపి తం దృష్ట్వా సంరబ్ధం సమరేఽర్జునం।
స్వమస్త్రమసృజత్తీవ్రం ఛాదయిత్వాఽఖిలం నభః॥ 1-253-13(11003)
తతో వాయుర్మహాఘోషః క్షోభయన్సర్వసాగరాన్।
వియత్స్థో జనయన్మేఘాంజలధారాసమాకులాన్॥ 1-253-14(11004)
తతోఽశనిముచో ఘోరాంస్తడిత్స్తనితనిఃస్వనాన్।
తద్విఘాతార్థమసృజదర్జునోఽప్యస్త్రముత్తమం॥ 1-253-15(11005)
వాయవ్యమభిమంత్ర్యాథ ప్రతిపత్తివిశారదః।
తేనేంద్రాశనిమేఘానాం వీర్యౌజస్తద్వినాశితం॥ 1-253-16(11006)
జలధారాశ్చ తాః శోషం జగ్ముర్నేశుశ్చ విద్యుతః।
క్షణేన చాభవద్వ్యోమ సంప్రశాంతరజస్తమః॥ 1-253-17(11007)
సుఖశీతానిలవహం ప్రకృతిస్థార్కమండలం।
నిష్ప్రతీకారహృష్టశ్చ హుతభుగ్వివిధాకృతిః॥ 1-253-18(11008)
సిచ్యమానో వసౌఘైస్తైః ప్రాణినాం దేహనిఃసృతైః।
ప్రజజ్వాలాథ సోఽర్చిష్మాన్స్వనాదైః పూరయంజగత్॥ 1-253-19(11009)
కృష్ణాభ్యాం రక్షితం దృష్ట్వా తం చ దావమహంకృతాః।
ఖముత్పేతుర్మహారాజ సుపర్ణాద్యాః పతత్త్రిణః॥ 1-253-20(11010)
గరుత్మాన్వజ్రసదృశైః పక్షతుండనఖైస్తథా।
ప్రహర్తుకామో న్యపతదాకాశాత్కృష్ణపాండవౌ॥ 1-253-21(11011)
తథైవోరగసంఘాతాః పాండవస్య సమీపతః।
ఉత్సృజంతో విషం ఘోరం నిపేతుర్జ్వలితాననాః॥ 1-253-22(11012)
తాంశ్చకర్త శరైః పార్థః సరోషాగ్నిసముక్షితైః।
వివిశుశ్చాపి తం దీప్తం దేహాభావాయ పావకం॥ 1-253-23(11013)
తతః సురాః సగంధర్వా యక్షరాక్షసపన్నగాః।
ఉత్పేతుర్నాదమతులముత్సృజంతో రణార్థినః॥ 1-253-24(11014)
అయఃకణపచక్రాశ్మభుశుండ్యుద్యతబాహవః।
కృష్ణపార్థౌ జిఘాంసంతః క్రోధసంమూర్చ్ఛితౌజసః॥ 1-253-25(11015)
తేషామతివ్యాహరతాం శస్త్రవర్షం ప్రముంచతాం।
ప్రమమాథోత్తమాంగాని బీభత్సుర్నిశితైః శరైః॥ 1-253-26(11016)
కృష్ణశ్చ సుమహాతేజాశ్చక్రేణారివినాశనః।
దైత్యదానవసంఘానాం చకార కదనం మహత్॥ 1-253-27(11017)
అథాపరే శరైర్విద్ధాశ్చక్రవేగేరితాస్తథా।
వేలామివ సమాసాద్య వ్యతిష్ఠన్నమితౌజసః॥ 1-253-28(11018)
తతః శక్రోఽతిసక్రుద్ధస్త్రిదశానాం మహేశ్వరః।
పాండురం గజమాస్థాయ తావుభౌ సముపాద్రవత్॥ 1-253-29(11019)
వేగేనాశనిమాదాయ వజ్రమస్త్రం చ సోఽసృజత్।
హతావేతావితి ప్రాహ సురానసురసూదనః॥ 1-253-30(11020)
తతః సముద్యతాం దృష్ట్వా దేవేంద్రేణ మహాశనిం।
జగృహుః సర్వశస్త్రాణి స్వాని స్వాని సురాస్తథా॥ 1-253-31(11021)
కాలదండం యమో రాజన్ గదాం చైవ ధనేశ్వరః।
పాశాంశ్చ తత్ర వరుణో విచిత్రాం చ తథాఽశనిం॥ 1-253-32(11022)
స్కందః శక్తిం సమాదాయ తస్థౌ మేరురివాచలః।
ఓషధీర్దీప్యమానాశ్చ జగృహాతేఽస్వినావపి॥ 1-253-33(11023)
జగృహే చ ధనుర్ధాతా ముసలం తు జయస్తథా।
పర్వతం చాపి జగ్రాహ క్రూద్ధస్త్వష్టా మహాబలః॥ 1-253-34(11024)
అంశస్తు శక్తిం జగ్రాహ మృత్యుర్దేవః పరశ్వధం।
ప్రగృహ్య పరిఘం ఘోరం విచచారార్యమా అపి॥ 1-253-35(11025)
మిత్రశ్చ క్షురపర్యంతం చక్రమాదాయ తస్థివాన్।
పూషా భగశ్చ సంక్రుద్ధః సవితా చ విశాంపతే॥ 1-253-36(11026)
ఆత్తకార్ముకనిస్త్రింశాః కృష్ణాపార్థౌ ప్రదుద్రువుః।
రుద్రాశ్చ వసవశ్చైవ మరుతశ్చ మహాబలాః॥ 1-253-37(11027)
విశ్వేదేవాస్తథా సాధ్యా దీప్యమానాః స్వతేజసా।
ఏతే చాన్యే చ బహవో దేవాస్తౌ పురుషోత్తమౌ॥ 1-253-38(11028)
కృష్ణపార్థౌ జిఘాంసంతః ప్రతీయుర్వివిధాయుధాః।
తత్రాద్భుతాన్యదృశ్యంత నిమిత్తాని మహాహవే॥ 1-253-39(11029)
యుగాంతసమరూపాణి భూతసంమోహనాని చ।
తథా దృష్ట్వా సుసంరబ్ధం శక్రం దేవైః సహాచ్యుతౌ॥ 1-253-40(11030)
అభీతౌ యుధి దుర్ధర్షౌ తస్థతుః సజ్జకార్ముకౌ।
ఆగచ్ఛతస్తతో దేవానుభౌ యుద్ధవిశారదౌ॥ 1-253-41(11031)
వ్యతాడయేతాం సంక్రుద్ధౌ శరైర్వజ్రోపమైస్తదా।
అసకృద్భగ్నసంకల్పాః సురాశ్చ బహుశః కృతాః॥ 1-253-42(11032)
భయాద్రణం పరిత్యజ్య శఖ్రమేవాభిశిశ్రియుః।
దృష్ట్వా నివారితాందేవాన్మాధవేనార్జునేన చ॥ 1-253-43(11033)
ఆశ్చర్యమగమంస్తత్ర మునయో నభసి స్థితాః।
శక్రశ్చాపి తయోర్వీర్యముపలభ్యాసకృద్రణే॥ 1-253-44(11034)
బభూవ పరమప్రీతో భూయశ్చైతావయోధయత్।
తతోఽశ్మవర్షం సుమహద్వ్యసృజత్పాకశాసనః॥ 1-253-45(11035)
భూయ ఏవ తదా వీర్యం జిజ్ఞాసుః సవ్యసాచినః।
తచ్ఛైరర్జునో వర్షం ప్రతిజఘ్నేఽత్యమర్షితః॥ 1-253-46(11036)
విఫలం క్రియమాణం తత్సమవేక్ష్య శతక్రతుః।
భూయః సంవర్ధయామాస తద్వర్షం పాకశాసనః॥ 1-253-47(11037)
సోశ్మవర్షం మహావేగైరిషుభిః పాకశాసనిః।
విలయం గమయామాస హర్షయన్పితరం తథా॥ 1-253-48(11038)
తత ఉత్పాట్య పాణిభ్యాం మందరాచ్ఛిఖరం మహత్।
సద్రుమం వ్యసృజచ్ఛక్రో జిఘాంసుః పాండునందనం॥ 1-253-49(11039)
తతోఽర్జునో వేగవద్భిర్జ్వలితాగ్రైరజిహ్మగైః।
శరైర్విధ్వంసయామాస గిరేః శృంగం సహస్రధా॥ 1-253-50(11040)
గిరేర్విశీర్యమాణస్య తస్య రూపం తదా బభౌ।
సార్కచంద్రగ్రహస్యేవ నభసః పరిశీర్యతః॥ 1-253-51(11041)
తేనాభిపతతా దావం శైలేన మహతా భృశం।
శృంగేణ నిహతాస్తత్ర ప్రాణినః ఖాండవాలయాః॥ ॥ 1-253-52(11042)

ఇతి శ్రీమన్మహాభారతే ఆదిపర్వణి ఖాండవదాహపర్వణి త్రిపంచాశదధికద్విశతతమోఽధ్యాయః॥ 253 ॥ ॥ సమాప్తం చ ఖాండవదాహపర్వ ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.